لمبات التحذير اللي ماينفعش تتجاهلها (وإيه معناها الحقيقي)

اللمبة الصفرا… أو الأسوأ، الحمرا اللي بتنور فجأة في التابلوه كفيلة تعملك تخوفك في ثانية. و مع أن الرموز كتيرة ، أغلبها مجرد تنبيهات بسيطة (like a loose gas cap)

إنما في 5 لمبات تحذير بالذات معناهم إن في مشكلة خطيرة محتاجة تدخل فوري. تجاهلهم ممكن يسبب تلف كبير… والأهم يعرض سلامتك للخطر

:دي أهم اللمبات اللي لازم تاخد بالك منها

علامة الجركن الأحمر (تحذير ضغط الزيت)

ده معناه إن ضغط زيت الموتور قليل. ودي مشكلة خطيرة جدًا لأن الزيت هو اللي بيقلل الاحتكاك وبيحافظ على حرارة الموتور

تعمل إيه؟

أقف فورًا وطفي العربية. السواقة بالموتور من غير زيت كفاية ممكن تبوّظه تمامًا لحد مرحلة "تيلج" الموتور

شيّك على مستوى الزيت  بعد ما العربية تبرد واتصل بمركز الخدمة

علامة الترمومتر الأحمر (تحذير حرارة الموتور)

ده معناه إن الموتور سخن زيادة، وغالبًا نظام التبريد فيه مشكلة أو مستوى المياه (الريداتير) قليل.

تعمل إيه؟

أقف فورًا وطفي العربية. الاستمرار في السواقة ممكن يسبب تلف في وش السلندر أو جوان وش السلندر وتكاليفهم عالية جدًا

ماتفتحش غطا الريداتير والعربية سخنة

لمبة Check Engine وهي بتنور وتطفي 

لما تكون بتنور مش ثابتة، ده معناه إن في مشكلة خطيرة في الاحتراق داخل الموتور (misfire). غير اللمبة الثابتة اللي بتبقى حاجات بسيطة زي غطا التانك مش مقفول كويس

تعمل إيه؟

اركن فورًا و كلم ونش. اللمبة اللي بتنور و تطفي معناها إن في بنزين مش متحرق داخل الشكمان، وده ممكن يبوّظ الـ catalytic converter بسرعة و ده غالي جدًا

لمبة الفرامل (Brake Warning Light)

اللمبة دي معناها إن نظام الفرامل فيه مشكلة، زي نقص زيت الفرامل، تيل متهالك، أو عطل في النظام نفسه. تجاهلها بيأثر مباشرة على قدرتك إنك توقف العربية بأمان

تعمل إيه؟

شيّك على مستوى زيت الفرامل، اسمع لو في صوت تزييق غريب، وخد بالك لو بدّال الفرامل بيرتعش أو ناعم زيادة. لو لاحظت أي حاجة غريبة، روح اكشف فورًا

:مهم: في عربيات مافيهاش أصلاً لمبة تحذير للفرامل. عشان كده لازم تراجع شوية مؤشرات يدويًا زي

أصوات تزييق أو احتكاك

بدّال فرامل ناعم أو بيغرس

العربية تشد يمين أو شمال وقت الفرامل

لمبة الإيرباج

.اللمبة العنيدة اللي بتنور فجأة مع إن كل حاجة شكلها طبيعي, دي معناها إن في مشكلة في نظام الوسائد الهوائية

تعمل إيه؟

.حتى لو حسيت إن اللمبة ملخبطة، لازم تكشف عليها. ده واحد من أنظمة الأمان اللي مش عايزها تبقى بايظة وقت حادثة